DAVLAT QARZINI BOSHQARISHNING ZAMONAVIY INSTRUMENTLARI VA ULARNI QO'LLASH MASALALARI

Ushbu maqolada O‘zbekistonning davlat qarzini boshqarish tizimi, uning zamonaviy instrumentlari hamda ularni qo‘llashda yuzaga kelayotgan masalalar chuqur tahlil qilinadi. Global foiz stavkalari o‘sishi, tashqi moliyalashtirish shartlarining murakkablashuvi va valyuta xavflarining kuchayishi sharoitida davlat qarzining barqarorligini ta’minlash dolzarb vazifa sifatida namoyon bo‘lmoqda. Tadqiqotda xalqaro tajribalar, O‘zbekistonning joriy makroiqtisodiy holati, qarz portfeli tarkibi, joriy operatsiyalar hisobi dinamikasi hamda risk-menejment mexanizmlari kompleks tahlil qilindi. Shuningdek, suveren obligatsiyalar, “yashil” va tematik obligatsiyalar, ichki bozor instrumentlari, hedjlash vositalari kabi zamonaviy moliyaviy instrumentlarning afzalliklari va cheklovlari yoritildi. Maqola yakunida davlat qarzini boshqarishni modernizatsiya qilish, risklarni kamaytirish va qarzdan foydalanish samaradorligini oshirishga qaratilgan amaliy takliflar ilgari surildi.