INKLYUZIV TA'LIM SHAROITIDA O'QUVCHILARNING EMOTSIONAL INTELLEKTINI RIVOJLANTIRISHNING PSIXOLOGIK-PEDAGOGIK ASOSLARI

Mazkur maqolada inklyuziv ta’lim muhitida o‘quvchilarning emotsional intellektini rivojlantirish masalasi psixologik va pedagogik nuqtayi nazardan tahlil etiladi. Emotsional intellekt tushunchasining nazariy asoslari, uning tarkibiy komponentlari hamda ta’lim jarayonidagi funksional ahamiyati yoritib beriladi. Shuningdek, emotsional intellektning alohida ta’lim ehtiyojlariga ega bo‘lgan o‘quvchilarning ijtimoiy moslashuvi, shaxslararo munosabatlari va psixologik farovonligini ta’minlashdagi o‘rni asoslab beriladi. Maqolada inklyuziv ta’lim sharoitida emotsional intellektni rivojlantirishga xizmat qiluvchi samarali psixologik-pedagogik metodlar, trening va texnologiyalar tavsiflanib, ularning amaliy ahamiyati ko‘rsatib o‘tiladi.