MULTIMADAL YONDASHUV ORQALI ONA TILI TALIMIDA AKADEMIK LITSEY O'QUVCHILARINING KOGNITIV FAOLIYATINI RIVOJLANTIRISH

Multimodal yondashuvning zamonaviy ta’lim jarayonidagi o‘rni, ayniqsa akademik litsey bosqichida ona tili ta’limini optimallashtirishdagi didaktik va psixolingvistik afzalliklari tahlil qilinadi. Multimodal semiotika va kognitiv psixologiya asosida axborotni lingvistik, vizual, akustik va kinestetik modallarda birgalikda taqdim etish o‘quvchilarning idrok, xotira, tafakkur va kommunikativ kompetensiyalarini rivojlantirishi asoslab beriladi. Grammatik, fonetik va matnshunoslik materiallarini multimodal vositalar orqali o‘zlashtirish jarayonining samaradorligi, shuningdek, analitik va kreativ fikrlashni kuchaytiruvchi multimodal topshiriqlar misolida yoritiladi. Metodik tajribalar lingvistik tushunchalarni anglash, matn yaratish va tahliliy fikrlash ko‘rsatkichlarining sezilarli oshganini ko‘rsatadi. Natijada, multimodal yondashuv ona tili ta’limi uchun funksional, interaktiv va yuqori samaradorlikka ega pedagogik model sifatida baholanadi.