ИННОВАЦИОН ФАОЛИЯТ ХАРАЖАТЛАРИНИНГ БУХГАЛТЕРИЯ ҲИСОБИ ВА АУДИТИНИ ТАКОМИЛЛАШТИРИШ

Мазкур мақолада инновацион фаолият харажатларининг бухгалтерия ҳисоби ва аудитини такомиллаштиришга доир назарий ва амалий масалалар илмий жиҳатдан тадқиқ этилган. Тадқиқот доирасида инновацион харажатларнинг иқтисодий моҳияти, уларнинг турлари ва таснифи, шунингдек, ушбу харажатларнинг молиявий ҳисоботларда тўғри акс эттирилишини таъминловчи меъёрий-ҳуқуқий асослар атрофлича таҳлил қилинган. Амалдаги миллий ҳисоб стандартлари ва норматив ҳужжатлар таҳлили асосида инновацион лойиҳалар бўйича харажатларни ҳисобга олиш ва аудиторлик текшируви жараёнларида кузатиладиган тизимли муаммо ва камчиликлар аниқланди. Тадқиқотда инновацион фаолият харажатлари аудитини амалга оширишда рискларни баҳолаш методологияси, аудиторлик далилларини тўплаш ва таҳлил қилиш усуллари ҳамда ҳисоб-китоб жараёнларида рақамли технологияларни қўллаш имкониятлари илмий асосда ўрганилди. Шу билан бирга, инновацион харажатларнинг шаффофлигини таъминлаш, уларнинг иқтисодий самарадорлигини баҳолаш ва аудит жараёнида хатарларни минималлаштиришга қаратилган таклиф ва амалий тавсиялар ишлаб чиқилди.