GLOBAL TA'SIRLAR SHAROITIDA YOSHLARNING AXLOQIY QADRIYATLARINI MUSTAHKAMLASH ZARURATI

Jahonda sodir bo‘layotgan ijtimoiy jarayonlar mohiyati borliqning tabiiy-ilmiy manzarasini o‘zgartirish bilan bir qatorda turli g‘oyaviy kurashlar, mafkuraviy qarama-qarshiliklarning yangicha ko‘rinishlarini namoyon etib kelmoqda. Bunday faoliyat natijasida insoniyatning oldida o‘zi anglab yetmagan muammolarning paydo bo‘lishi evaziga ijtimoiy-falsafiy tafakkurni rivojlantirish zamon talabiga aylanib ulgurdi. Ayniqsa, o‘sib kelayotgan yosh avlodning axloqiy madaniyatining zamon bilan hamnafas bo‘lishini ta’minlash, eskicha tafakkur tarzidan voz kechish, ma’naviy madaniyat rivojiga xizmat qiladigan integral yondashuvni kuchaytirish muhim ahamiyat kasb etmoqda.