Oliy tibbiy ta'limda klinik farmakologiya fanini kredit-modul tizimiga muvofiq holda o'qitishning amaliy holati

Jahon sog‘liqni saqlash tashkiloti 1971-yilda farmakologiyaning muhim yo‘nalishi bo‘lgan klinik farmakologiyani mustaqil fan sifatida tan oldi. Ushbu qarorning asosiy maqsadi — dorilarning farmakodinamikasi va farmakokinetikasini, ularning o‘zaro ta’siri hamda salbiy oqibatlarini zamonaviy ilmiy yondashuvlar yordamida chuqur o‘rganishdan iboratdir. Klinik farmakologiya - bu muayyan kasallik yoki sindrom bilan og‘rigan bemorga dori tanlashda, ularning klinik va farmakologik xususiyatlarini hisobga olib, eng maqbul va xavfsiz dori kombinatsiyasini tavsiya etish, shuningdek, olib borilayotgan farmakoterapiyaning samaradorligi hamda xavfsizligini nazorat qilishga qaratilgan fan sohasidir. Oliy tibbiy ta’limda aynan shu fanning ham kredit-modul tizimiga asoslangan holda o’qitilishi talabalar va pedagoglarga ko’plab qulayliklarni yaratdi.