Elektron tijoratning kichik biznes va tadbirkorlikka ta'siri

Ushbu maqola elektron tijoratning kichik biznes va tadbirkorlikka ta’sirini tizimli tarzda tahlil qiladi. Tadqiqot natijalari shuni ko‘rsatadiki, elektron tijorat kichik biznesning savdo hajmini oshirish, xarajatlarni optimallashtirish, bozor qamrovini kengaytirish va tadbirkorlik faolligini rag‘batlantirishda muhim rol o‘ynaydi. Tadqiqot davomida to‘liq va qisman elektron tijoratni joriy qilgan kichik biznes subyektlarining daromad, xarajat va mijozlar bazasi o‘zgarishlari solishtirildi. Shu bilan birga, raqamli savodxonlik yetishmasligi, logistika muammolari va onlayn to‘lov tizimlariga bo‘lgan ishonchsizlik elektron tijorat samaradorligini cheklovchi asosiy omillar sifatida aniqlandi. Tadqiqot natijalari O‘zbekiston va rivojlanayotgan mamlakatlar sharoitida elektron tijoratning strategik ahamiyatini ko‘rsatadi hamda KOBlar uchun raqamli transformatsiya va rivojlanish bo‘yicha amaliy tavsiyalar beradi.