РАҚАМЛИ ИҚТИСОДИЁТ ШАРОИТЛАРИДА КИЧИК БИЗНЕС СУБЪЕКТЛАРИГА БАНК ХИЗМАТЛАРИ ДОИРАСИНИ КЕНГАЙТИРИШНИНГ ИННОВАЦИОН ЙЎЛЛАРИ

Ушбу мақолада рақамли иқтисодиёт шароитида тижорат банклари фаолиятини такомиллаштиришнинг назарий ва амалий жиҳатлари тадқиқ этилган. Тадқиқотда банк инфратузилмасини ривожлантириш, замонавий ва масофавий банк хизматларини жорий этиш ҳамда рақамли технологиялардан фойдаланишнинг банк хизматлари сифати ва мижозлар учун қулайлик даражасига таъсири таҳлил қилинган. Шунингдек, Ўзбекистон Республикасида банк тизимини ислоҳ қилишга қаратилган норматив-ҳуқуқий ҳужжатлар доирасида амалга оширилаётган ислоҳотларнинг аҳамияти ёритилиб, рақамли банк хизматларини кенгайтириш орқали тижорат банкларининг рақобатбардошлигини ошириш масалалари асослаб берилган.