O'ZBEKISTONDA YOSHLAR SIYOSATI MASALASI (HUQUQIY ASOSLAR MISOLIDA)

Yoshlar har bir rivojlanishni maqsad qilgan davlatning "kelajak omonati" hisoblanadi. Dunyo aholisi demografiyasida yoshlar soni ortib borishi, shiddat bilan rivojlanayotgan zamonaviy dunyo sahnasida ularning muvozanatli, mafkuraviy xurujlardan saqlangan holda progressiv harakat qilishlari uchun xalqaro tashkilotlar tomonidan hujjatlar qabul qilingan. Hujjatlarni qabul qilishda ayniqsa so‘nggi yillarda yoshlar o‘rtasida ma’naviy bo‘shliqlarning paydo bo‘lishi, psixologik bosimlar ta’siri ostida shaxs masalasining xavf ostida qolishi, albatta demografik o‘zgarishlarning, ayniqsa yoshlar sonining turli qit’alarda sezilarli darajada ortib yoki kamayib borishi sabab bo‘lmoqda.