ABDULLA ORIPOV IJODIDA TARIXIY SHAXSLAR

Ushbu maqolada bugungi kunda tilshunoslikda keng miqyosda tahlil va talqin qilinayotgan mavzulardan biri - badiiy matnda tarixiy shaxs nomlarning kelishi tahlil qilinadi va aynan Abdulla Oripov ijodi misolida o'rganiladi. O'zbek xalqining buyuk shoirlaridan biri bo'lgan Abdulla Oripov ijodida tarixiy shaxslar obrazining yoritilishi, ularning badiiy talqini va shoir dunyoqarashidagi o'rni tahlil qilinadi. Abdulla Oripov o'z she'riyatida milliy o'zlik, tarixiy xotira va ma'naviy meros masalalariga alohida e'tibor qaratgan ijodkor sifatida tarixiy shaxslar timsolidan keng foydalangan. Uning asarlarida Amir Temur, Alisher Navoiy, Mirzo Ulug'bek kabi buyuk siymolar nafaqat tarixiy obraz sifatida, balki millatning ma'naviy qudratini ifodalovchi ramzlar tariqasida talqin etiladi.