ERKIN VOHIDOV IJODIDA TARIXIY SHAXSLAR NOMLARI

Ushbu maqolada badiiy matn poetikasida intertekstuallik imkoniyatlari, xususan, tarixiy shaxslar nomini qóllash imkoniyatlari tahlil qilinadi. Tadqiqot davomida taniqli va zabardast ózbek shoiri Erkin Vohidov tomonidan tarixiy shaxslar nomlarining badiiy matnga kiritilishi orqali hosil bo‘ladigan ma’no qatlamlari yoritiladi. Maqolada tarixiy shaxslar nomlarining intertekstual ishora, ramz sifatidagi ahamiyati tahlil etilib, ularning obrazlar tizimini boyitish, voqelikni tarixiy-konseptual kontekstda talqin qilish hamda o‘quvchi ongida qo‘shimcha assotsiativ maydon yaratishdagi roli asoslanadi. Natijada, badiiy matnda intertekstuallikning estetik va gnoseologik ahamiyati, shuningdek, uning poetik struktura shakllanishiga ta’siri ochib beriladi.