O'ZBEK VA QOZOQ TILLARIDAGI GAP BO'LAKLARINING QIYOSIY TAHLILI

Ushbu ishda o‘zbek va qozoq tillari tizimidagi gap bo‘laklarining qiyosiy tahlili yoritilgan. Tadqiqotning asosiy maqsadi — turkiy tillar oilasiga mansub bolgan ushbu ikki tilda bosh va ikkinchi darajali bo‘laklarning ifodalanish xususiyatlari, o‘zaro o‘xshashliklari hamda o‘ziga xos farqlarini aniqlashdan iborat. Maqolada gapdagi so‘z tartibi, kesimning shakllanishi va aniqlovchining aniqlanmish bilan bog‘lanish usullari (moslashuv va bitishuv) qiyosiy tahlil qilingan. Xususan, o‘zbek va qozoq tillarida kesimning barqaror o‘rnidagi oxshash va farqli sintaktik jihatlar misollar yordamida ko‘rsatib o‘tilgan. Tadqiqot natijalari tarjimashunoslik, qiyosiy grammatika hamda turkiyzabon auditoriyaga qiyosiy tilshunoslikni o‘qitish metodikasida amaliy ahamiyatga ega.