BO'LAJAK INGLIZ TILI O'QITUVCHILARINING KASBIY KOMPETENSIYASINI SHAKLLANTIRISHDA ANGLIYA MADANIYATINING O'RNI

Ushbu tadqiqot ishida bo‘lajak ingliz tili o‘qituvchilarining kasbiy kompetensiyasini shakllantirishda madaniyatlararo muloqot va lingvokulturologik yondashuvning ahamiyati chuqur tahlil qilingan. Bugungi kunda global ta’lim makonida chet tili o‘qituvchisi nafaqat grammatik va leksik normalarni o‘rgatuvchi mutaxassis, balki o‘rganilayotgan til sohiblarining dunyoqarashi, qadriyatlari va ijtimoiy xulq-atvor normalarini yetkazuvchi madaniy mediator hisoblanadi. Maqolada Angliya madaniyatining o‘ziga xos jihatlari — tarixiy meros, etiket qoidalari, idiomatik iboralarning madaniy asosi va kommunikativ strategiyalarning bo‘lajak o‘qituvchilar tayyorgarligidagi o‘rni ilmiy asoslab berilgan. Tadqiqot jarayonida nazariy tahlil, qiyosiy-pedagogik yondashuv va tajriba-sinov ishlari olib borildi. Tadqiqot natijalari shuni ko‘rsatdiki, dars jarayoniga madaniy komponentning integratsiyalashuvi talabalarning til o‘rganishga bo‘lgan motivatsiyasini sezilarli darajada oshiradi va ularning professional muloqot madaniyatini shakllantiradi. Maqola yakunida pedagogik oliy ta’lim muassasalari uchun o‘quv dasturlarini takomillashtirish bo‘yicha metodik tavsiyalar ishlab chiqilgan.