ABORTNING ERTA ASORATLARI

Ushbu maqolada abort amaliyotidan so‘ng ayollarda kuzatiladigan erta asoratlarning turlari, chastotasi va ularni keltirib chiqaruvchi omillar tahlil qilingan. Tadqiqot RIO va BSIATMFVF da 40 nafar bemor ishtirokida o‘tkazildi. Ulardan 20 nafari medikamentoz abort, 12 nafari vakuum aspiratsiya, 6 nafari kuretaj va 2 nafari kechki abort o‘tkazgan ayollar bo‘ldi. Tadqiqot natijalariga ko‘ra, eng ko‘p uchraydigan erta asoratlar — qon ketish (22,5%), infeksion yallig‘lanish (17,5%) va psixologik buzilishlar (22%) ekanligi aniqlangan. Asoratlarning og‘irlik darajasi abort usuliga bevosita bog‘liq bo‘lib, kechki va jarrohlik usullarda u yuqoriroq qayd etildi. Mualliflar abortdan keyingi erta davrda tibbiy kuzatuv, antibiotik profilaktikasi va psixologik yordamni kuchaytirish zarurligini ta’kidlashadi.