CHET TILI TA'LIMIDA "SOFT SKILLS"NI TAKOMILLASHTIRISHDA MUAMMO ASOSLANGAN TA'LIM IMKONIYATLARI

Zamonaviy oliy ta’lim tizimi ijtimoiy-iqtisodiy o‘zgarishlar bilan uyg‘un holda shakllanib, endilikda o‘quvchi shaxsini har tomonlama rivojlantirishni maqsad qilgan holda faoliyat yuritmoqda. Ayniqsa, nofilologik ta’lim yo‘nalishlarida ingliz tilini o‘rganish jarayonida nafaqat lingvistik, balki kommunikativ, ijtimoiy-psixologik va kasbiy ko‘nikmalarning ham shakllanishi dolzarb vazifa sifatida maydonga chiqmoqda. Bu esa o‘z navbatida, o‘qitish metodikalariga yangicha yondashuvni, xususan, muammoga asoslangan ta’lim (Problem-Based Learning — PBL) kabi ilg‘or usullarning amaliyotga chuqur integratsiyasini taqozo etadi. PBL modeli talabalarning bilimlarni egallashini emas, balki bilimni ishlab chiqarish, undan foydalanish, qaror qabul qilish, shuningdek, o‘zaro hamkorlikda o‘rganish ko‘nikmalarini shakllantirishga asoslanadi. Mazkur tizim o‘z mohiyatiga ko‘ra soft skills, ya’ni “soft skills”ni bosqichma-bosqich takomillashtirishga xizmat qiluvchi kuchli pedagogik platforma sifatida maydonga chiqadi.