KREDITNING ZARURATI, MOHIYATI, FUNKSIYALARI VA SHAKLLARI

Mazkur maqolada kreditning iqtisodiy tizimdagi o‘rni chuqur tahlil qilinadi. Kreditning paydo bo‘lish zarurati bozor munosabatlari rivoji, subyektlar o‘rtasidagi vaqtinchalik bo‘sh pul mablag‘larining qayta taqsimlanishi hamda ishlab chiqarish jarayonining uzluksizligini ta’minlash ehtiyoji bilan izohlanadi. Tadqiqotda kreditning mohiyati nafaqat qarz munosabati sifatida, balki iqtisodiy faollikni rag‘batlantiruvchi, investitsion jarayonlarni jadallashtiruvchi muhim moliyaviy mexanizm sifatida yoritiladi. Maqolada kredit mexanizmining real sektor rivojiga ta’siri, moliyaviy barqarorlikni ta’minlashdagi roli hamda zamonaviy iqtisodiy sharoitda kredit munosabatlarini takomillashtirish zarurati asoslab beriladi. Tadqiqot natijalari kredit tizimini chuqurroq anglash va amaliy faoliyatda samarali foydalanish uchun muhim nazariy asos bo‘lib xizmat qiladi.