INGLIZ VA O'ZBEK TILLARIDA INSON SALBIY RUHIY HOLATINI IFODALOVCHI FRAZEOLOGIZMLARNING LISONIY XUSUSIYATLARI

Mazkur maqolada ingliz va o‘zbek tillarida insonning salbiy ruhiy holatlarini ifodalovchi frazeologik birliklar qiyosiy-lingvistik jihatdan tahlil qilinadi. Tadqiqotda g‘am, tushkunlik, qo‘rquv, xavotir, jahldorlik va asabiylik kabi salbiy emotsional holatlarni ifodalovchi frazeologizmlarning semantik, struktur-grammatik hamda lingvomadaniy xususiyatlari yoritilgan. Qiyosiy tahlil jarayonida frazeologizmlarda aks etgan universal va milliy obrazlar, metaforik modellar hamda madaniy komponentlar aniqlangan. Tadqiqot natijalari ingliz va o‘zbek tillarida salbiy ruhiy holatlarni ifodalashda umumiy kognitiv mexanizmlar bilan bir qatorda, har bir tilga xos milliy-mental xususiyatlar mavjudligini ko‘rsatadi. Maqola materiallari qiyosiy tilshunoslik, frazeologiya, psixolingvistika va tarjimashunoslik sohalarida nazariy va amaliy ahamiyatga ega.