RAQAMLI TEXNOLOGIYALAR ASOSIDA MAKTABGACHA YOSHDAGI BOLALARDA IJODIY TAFAKKURNI RIVOJLANTIRISHNING PEDAGOGIK ASOSLARI

Mazkur maqolada raqamli texnologiyalar asosida maktabgacha yoshdagi bolalarda ijodiy tafakkurni rivojlantirish masalasi ilmiy-pedagogik jihatdan tahlil qilingan. Tadqiqot jarayonida maktabgacha ta’lim muassasalarida raqamli vositalar asosida tashkil etilgan mashg‘ulotlarning bolaning obrazli fikrlashi, mustaqil qaror qabul qilishi hamda ijodiy faolligiga ta’siri o‘rganildi. Ilmiy adabiyotlarni tahlil qilish, pedagogik kuzatuv va tajriba-sinov metodlari asosida olib borilgan tadqiqot natijalari raqamli texnologiyalar ijodiy tafakkurni shakllantirishda samarali pedagogik vosita ekanligini ko‘rsatdi. Olingan xulosalar maktabgacha ta’lim jarayonida raqamli texnologiyalardan maqsadli foydalanishning ilmiy-amaliy ahamiyatini asoslaydi.