OMMAVIY MADANIYAT TA'SIRIDA YOSHLAR QADRIYATLARINING TRANSFORMATSIYASI

Tezisda ommaviy madaniyat fenomenining shakllanishi va rivojlanish bosqichlari hamda uning zamonaviy yoshlar dunyoqarashi, qadriyatlar tizimi va ijtimoiy xulq-atvoriga ko‘rsatayotgan ta’siri tahlil qilinadi. Globallashuv va raqamli kommunikatsiya vositalari sharoitida ommaviy madaniyatning yoshlar hayotidagi o‘rni, uning ijobiy imkoniyatlari va salbiy oqibatlari yoritiladi. Xususan, ijtimoiy tarmoqlar, blogerlik faoliyati va raqamli kontent orqali yoshlarning madaniy identifikatsiyasi hamda ijtimoiy faolligi shakllanishi masalalari tahlil etiladi. Shuningdek, Yangi O‘zbekiston sharoitida yoshlar siyosatini madaniy muvozanat asosida tashkil etish zarurati asoslab beriladi.