GANDBOLCHILARNING MAXSUS JISMONIY TAYYORGARLIGINI RIVOJLANTIRISHDA YUQORI INTENSIVLIKDAGI MASHG'ULOTLAR SAMARADORLIGI

Mazkur ishda gandbolchilarning maxsus jismoniy tayyorgarligini rivojlantirishda yuqori intensivlikdagi mashg‘ulotlarning samaradorligi o‘rganildi. Tadqiqotning asosiy maqsadi yuqori intensivlikdagi mashg‘ulotlar asosida tezlik, kuch va chidamlilik kabi maxsus jismoniy sifatlarning rivojlanish dinamikasini aniqlash hamda olingan natijalarga tayangan holda samarali mashg‘ulot tavsiyalarini ishlab chiqishdan iborat. Tadqiqot jarayonida pedagogik kuzatuv, test sinovlari va tahlil usullaridan foydalanildi. O‘tkazilgan tahlillar natijasida yuqori intensivlikdagi mashg‘ulotlar gandbolchilarning maxsus jismoniy sifatlarini sezilarli darajada yaxshilashi, ularning funksional imkoniyatlari va o‘yin samaradorligini oshirishi aniqlandi. Tadqiqot natijalari asosida mashg‘ulot jarayonini takomillashtirishga yo‘naltirilgan ilmiy-amaliy tavsiyalar ishlab chiqildi. Mazkur ish natijalari gandbolchilarning tayyorgarlik tizimini optimallashtirishda va sport trenirovkasi amaliyotida qo‘llash uchun muhim ahamiyatga ega.