XULQIDA OG'ISHI BOR BOLALAR BILAN ISHLASHDA O'YIN TERAPIYASINING PEDAGOGIK IMKONIYATLARI

Xulq-atvorda og‘ishi bor bolalar bilan ishlashda o‘yin terapiyasi pedagogik faoliyatning muhim va samarali yo‘nalishlaridan biridir. Ushbu usul yordamida ko‘plab psixologik va pedagogik muammolarni bartaraf etish, bolalarni jamiyat hayotiga muvaffaqiyatli integratsiyalash, ularni ijtimoiy, ruhiy va hissiy rivojlantirish mumkin. O‘yin terapiyasi bolaning shaxsiy xususiyatlarini, ehtiyojlarini va individual imkoniyatlarini hisobga olgan holda amalga oshiriladi. Aynan o‘yin orqali bolaning ichki olami bilan bog‘lanish, uning ichki kechinmalari va o‘zini qanday tutishiga yechim topish yengil kechadi.