ЕТКАЗИБ БЕРИЛМАЙДИГАН ФОРВАРД ШАРТНОМАЛАРИ (NDF): БАНК ЛИКВИДЛИГИНИ БОШҚАРИШ ВА РЕАЛ СЕКТОР ВАЛЮТА ХАТАРЛАРИНИ ХЕДЖИРЛАШДА АМАЛИЙ АҲАМИЯТИ

Мазкур мақолада ҳосилавий молиявий воситаларнинг турларидан бири бўлган етказиб берилмайдиган форвард (Non-Deliverable Forward – NDF) шартномаларининг банклар фаолиятида валюта хатарларини ва ликвидлиликни самарали бошқариш ҳамда даромадлиликни оширишдаги амалий аҳамияти илмий жиҳатдан таҳлил қилинган. Шунингдек, NDF инструментларининг реал сектор субъектлари, хусусан импортёр ва экспортёр корхоналар учун валюта курслари тебранишлари билан боғлиқ хатарларни хеджирлашда самарали механизм экани асослаб берилган. Тадқиқотда Ўзбекистон банк тизимида NDF бозорини ривожлантиришнинг институционал ва инфратузилмавий чекловлари аниқланиб, меъёрий-ҳуқуқий базани такомиллаштириш, риск-менежмент ва ALM (актив ва пассивларни бошқариш) тизимларини кучайтириш ҳамда рақамли молиявий ечимларни жорий этиш бўйича илмий-амалий тавсиялар ишлаб чиқилган.