SUN'IY INTELLEKT YORDAMIDA TIL O'RGANISHNING AFZALLIKLARI VA CHEKLOVLARI

Sun’iy intellekt (SI) texnologiyalari so‘nggi o‘n yillikda ta’lim tizimining eng muhim va tez rivojlanayotgan segmentlaridan biri hisoblanadi.Ayniqsa, chet tillarini o‘rganish jarayonida SI vositalari o‘quvchilarga individual yondashuvni taklif qilishi,talaffuz va grammatikani real vaqt rejimida tahlil qilishi,virtual muloqot muhiti yaratishi va o‘quv jarayonini motivatsion tarzda tezlashtirishi mumkin.SI yordamida o‘rganish jarayoni nafaqat tezlashadi, balki iqtisodiy jihatdan ham samaraliroq bo‘ladi,chunki o‘qituvchi dars va resurslar bilan bog‘liq cheklovlar sezilarli darajada kamayadi.Shu bilan birga,tilning madaniy,pragmatik va hissiy komponentlari SI tomonidan to‘liq anglanmaydi,shuning uchun insoniy muloqot o‘rni va mustaqil fikrlashning zaruriyligi saqlanadi.Maqolada SI yordamida til o‘rganishning afzalliklari va cheklovlari, uning pedagogik,psixologik va ijtimoiy jihatlari,shuningdek ilmiy-tadqiqot asosida kelajak ta’lim modellari tahlil qilinadi.Tadqiqot natijalari SI va an’anaviy metodlarni uyg‘unlashtirish hibrid modelining samaradorligini ko‘rsatadi.