TA'LIM SIFATINI BOSHQARISHDA SUN'IY INTELLEKT TEXNOLOGIYALARINING QO'LLANILISHI

Mazkur maqolada ta’lim sifatini boshqarishda sun’iy intellekt texnologiyalarining qo‘llanishi, ularning imkoniyatlari va amaliy samaradorligi ilmiy asosda tahlil qilingan. Sun’iy intellekt vositalari ta’lim jarayonida yig‘iladigan katta hajmdagi ma’lumotlarni qayta ishlash, o‘quvchilarning o‘zlashtirish ko‘rsatkichlarini monitoring qilish, pedagogik faoliyatni baholash va boshqaruv qarorlarini optimallashtirishda qanday rol o‘ynashi izohlangan. Shuningdek, shaxsiylashtirilgan ta’lim, xolis baholash, ta’lim jarayonida yuzaga keladigan xatolarni avtomatik aniqlash kabi yo‘nalishlarda sun’iy intellektning afzalliklari yoritilgan. Tadqiqot natijalari sun’iy intellektning ta’lim sifatini barqaror oshirish va raqamli boshqaruv madaniyatini shakllantirishdagi muhim ahamiyatini ko‘rsatadi.