MINTAQAVIY IQTISODIY TAFOVUTLARNI KAMAYTIRISHDA DAVLAT SIYOSATINING ISTIQBOLLARI

Mazkur maqolada O‘zbekistonda mintaqaviy tafovutlarning shakllanish sabablari, ularning iqtisodiy va ijtimoiy rivojlanishga ta’siri hamda ushbu tafovutlarni kamaytirishda davlat siyosatining o‘rni va istiqbollari tahlil qilinadi. Tadqiqotda hududlar kesimida iqtisodiy rivojlanish darajasidagi farqlar yalpi hududiy mahsulot, infratuzilma rivoji, investitsiya faolligi va ijtimoiy ko‘rsatkichlar asosida baholangan. Shuningdek, Qoraqalpog‘iston Respublikasi, Jizzax va Sirdaryo viloyatlari misolida davlat tomonidan amalga oshirilayotgan chora-tadbirlar va strategik hujjatlarning hududiy rivojlanishga ta’siri yoritilgan. Maqolada mintaqaviy iqtisodiy siyosatni takomillashtirish orqali hududlararo iqtisodiy nomutanosiblikni kamaytirish va barqaror rivojlanishga erishish imkoniyatlari asoslab berilgan.