BANK AKTIVLARI SIFATI KO'RSATKICHLARINING MOLIYAVIY BARQARORLIKNI TA'MINLASHDAGI ROLI

Mazkur tezisda bank aktivlari sifati ko‘rsatkichlarining moliyaviy barqarorlikni ta’minlashdagi o‘rni va ahamiyati tahlil qilinadi. Tadqiqotda aktivlar sifati bank moliyaviy barqarorligini belgilovchi asosiy omillardan biri sifatida qaralib, muammoli kreditlar ulushi, kredit portfeli diversifikatsiyasi, aktivlar bo‘yicha zaxiralar va kapital yetarliligi kabi ko‘rsatkichlarning bank barqarorligiga ta’siri yoritiladi. Tahlil natijalari aktivlar sifati yomonlashuvi bank rentabelligi va kapital barqarorligiga salbiy ta’sir ko‘rsatishini, sifatning yaxshilanishi esa moliyaviy xavflarga chidamlilikni oshirishini ko‘rsatadi. Shuningdek, aktivlar sifatini samarali boshqarish bank tizimi barqarorligini mustahkamlashning muhim sharti ekanligi ilmiy jihatdan asoslanadi.