PEDAGOGIKA NAZARIYASIDA TA'LIM VA TARBIYA INTEGRATSIYASINING KONSEPTUAL VA METODOLOGIK ASOSLARI

Mazkur maqolada pedagogika nazariyasida ta’lim va tarbiya jarayonlarining o‘zaro uzviyligi va integratsiyalashuvining nazariy asoslari kompleks ilmiy tahlil qilinadi. Ta’lim va tarbiyaning dialektik birligi pedagogik jarayonning yaxlitligi tamoyili nuqtayi nazaridan asoslanib, ularning alohida emas, balki yagona ijtimoiy-pedagogik hodisa sifatida namoyon bo‘lish mexanizmlari yoritiladi. Maqolada integrativ yondashuvning falsafiy, psixologik va pedagogik ildizlari ochib berilib, shaxs kamolotini ta’minlashda ta’lim mazmuni bilan tarbiyaviy maqsadlarning uyg‘unlashuvi ilmiy jihatdan asoslanadi. Shuningdek, zamonaviy pedagogika nazariyasida ta’lim-tarbiya integratsiyasining metodologik ahamiyati, uning kompetensiyaviy yondashuv, aksiologik paradigma va tizimli yondashuv bilan o‘zaro aloqadorligi tahlil etiladi. Tadqiqot natijalari pedagogik nazariyani boyitishga hamda amaliy ta’lim jarayonida tarbiyaviy komponentning samaradorligini oshirishga xizmat qiladi.