UMUMTA'LIM MAKTABLARIDA TO'GARAK FAOLIYATINING PEDAGOGIK AHAMIYATI

Mazkur maqolada umumta’lim maktablarida tashkil etiladigan to‘garak mashg‘ulotlarining pedagogik ahamiyati ilmiy manbalar asosida tahlil qilinadi. To‘garak faoliyatining o‘quvchilarning intellektual, ijtimoiy, ma’naviy va ijodiy rivojiga ta’siri ochib beriladi. Shuningdek, to‘garaklar orqali ta’lim-tarbiya jarayonining uzluksizligi, shaxsga yo‘naltirilgan yondashuv, iqtidorli o‘quvchilarni aniqlash va rivojlantirish masalalari yoritiladi. Tadqiqotda pedagogika nazariyasi va umumta’lim amaliyotida mavjud ilmiy xulosalar tahlil qilinib, to‘garak faoliyatining samaradorligini oshirishga oid ilmiy-pedagogik qarashlar umumlashtiriladi.