BOSHLANG'ICH SINF O'QUVCHILARIDA TINGLAB TUSHUNISH KO'NIKMALARINI SHAKLLANTIRISHNING O'ZIGA XOS XUSUSIYATLARI

Ushbu maqolada boshlang‘ich sinf o‘quvchilarida tinglab tushunish ko'nikmalarini shakllantirishning psixologik-pedagogik asoslari, o‘ziga xos xususiyatlari va amaliy jihatlari tahlil qilingan. Tinglab tushunish nutqiy faoliyatning muhim turi sifatida, kichik maktab yoshidagi bolalarda til o‘rganish va bilim olishning asosiy vositasi ekanligi asoslanadi. Maqolada tinglab tushunish jarayonining xususiyatlari, boshlang‘ich sinf o'quvchilarining yosh va psixologik imkoniyatlari, ularning diqqat, xotira va fikrlash qobiliyatlarini hisobga olgan holda tinglab tushunish ko'nikmalarini rivojlantirishning samarali usul va metodlari ko'rib chiqilgan. Shuningdek, dars jarayonida qo'llanishi mumkin bo‘lgan zamonaviy pedagogik texnologiyalar, interaktiv usullar va innovatsion yondashuvlar tavsiya etilgan. Tadqiqot natijalari boshlang‘ich ta'lim jarayonida tinglab tushunish ko'nikmalarini tizimli ravishda rivojlantirish zarurligini va buning o'quvchilarning umumiy til saviyasini oshirishdagi ahamiyatini ko‘rsatadi. Maqola boshlang‘ich sinf o'qituvchilari, metodistlar va ilmiy-tadqiqot ishlarini olib boruvchi mutaxassislar uchun mo‘ljallangan.