MOLIYAVIY SANKSIYALAR VA IQTISODIY SIGNALLARNING SEMANTIK BUZILISHI: BOZOR AXBOROTINING MA'NOSIZLANISH JARAYONI

Mazkur tezisda moliyaviy sanksiyalar sharoitida bozor mexanizmlarining asosiy koordinatsion elementi bo‘lgan iqtisodiy signallarning (narxlar, foiz stavkalari, valyuta kurslari, rentabellik ko‘rsatkichlari) semantik mazmuni buzilishi tahlil qilinadi. Tadqiqotda sanksiyalar iqtisodiy signallarning shakllanish mexanizmlariga emas, balki ularning talqin qilinish qobiliyatiga ta’sir ko‘rsatuvchi omil sifatida talqin qilinadi. Muallif tomonidan “iqtisodiy signallarning semantik buzilishi” tushunchasi kiritilib, bu jarayon bozor axborotining qaror qabul qilishdagi yo‘naltiruvchi funksiyasini yo‘qotishiga olib kelishi asoslanadi. Natijada iqtisodiy subyektlar ratsional qaror qabul qilish imkoniyatidan mahrum bo‘lib, bozor mexanizmlari formalan saqlangan holda mazmunan samarasiz holatga tushadi.