STATISTIK KUZATISHNING ZAMONAVIY KONSEPSIYASI: BIRLAMCHI MA'LUMOT SIFATI VA IQTISODIY TAHLIL ISHONCHLILIGI

Ushbu maqola statistik kuzatishning zamonaviy mazmunini birlamchi ma’lumotlar sifatini ta’minlash muammosi bilan bog‘liq holda yoritadi. Statistik kuzatish iqtisodiy tahlil uchun dalil bazasini shakllantiruvchi asosiy bosqich bo‘lib, indikatorlarning ta’rifi, qamrovi, vaqt mezoni va qayd etish tartibi tahlil natijasining aniqligi va qiyoslanish darajasini belgilaydi. Ishda kuzatishning tarixiy evolyutsiyasi, bugungi amaliy manbalari hamda sifat risklari tahlil qilinadi. Metama’lumot yuritish, maxfiylik tamoyili va validatsiya mexanizmlari orqali “tekshirilgan ma’lumot”ni yaratish iqtisodiy qarorlar uchun ishonchli asos ekani asoslanadi.