BUXORO VILOYATIDA DEMOGRAFIK TUZILMA VA TABIIY HARAKATNING O'ZGARISH TENDENSIYALARI (1991–2025 YY.)

Ushbu maqolada 1991–2025 yillar davomida Buxoro viloyatida yuz bergan demografik jarayonlar, xususan aholining demografik tuzilmasi va tabiiy harakatining o‘zgarish tendensiyalari tahlil qilinadi. Tadqiqot mustaqillikdan keyingi davrda viloyat aholisining son jihatdan o‘sishi, yosh-jins tarkibidagi siljishlar, tug‘ilish va o‘lim ko‘rsatkichlarining dinamikasini aniqlashga qaratilgan. Tadqiqotning metodologik asosi sifatida vaqt qatori (time-series) tahlili, demografik ko‘rsatkichlarni solishtirma va statistik tahlil qilish usullari qo‘llanildi. Asosiy manbalar sifatida O‘zbekiston Respublikasi Davlat statistika qo‘mitasi hamda viloyat darajasidagi rasmiy statistik ma’lumotlardan foydalanildi. Tadqiqot natijalari Buxoro viloyatida 1990-yillar boshidagi demografik pasayish, 2000–2015 yillarda nisbatan barqaror tabiiy o‘sish hamda 2015 yildan keyingi davrda yosh tarkibining o‘zgarishi va demografik yuklamaning ortib borayotganini ko‘rsatadi. Maqolada aniqlangan tendensiyalar hududiy ijtimoiy-iqtisodiy siyosatni shakllantirish, ta’lim, sog‘liqni saqlash va mehnat bozorini rejalashtirishda ilmiy-amaliy ahamiyatga ega.