Oziq-ovqat mahsulotlarida pestitsid qoldiqlarini aniqlash va kamaytirishda an'anaviy hamda raqamli yondashuvlarning integratsiyalashgan tahlili.

Ushbu ilmiy maqolada oziq-ovqat mahsulotlarida pestitsid qoldiqlarining paydo bo‘lish sabablari, ularning inson salomatligi va atrof-muhitga ko‘rsatadigan salbiy ta’sirlari hamda ushbu qoldiqlarni kamaytirishning ilmiy-amaliy yo‘llari batafsil yoritilgan. Tadqiqot jarayonida ikki asosiy ilmiy maqola, shuningdek, FAO, WHO va EFSA kabi xalqaro tashkilotlar materiallari chuqur tahlil qilindi. An’anaviy uy sharoitidagi qayta ishlash usullari, sanoat texnologiyalari va raqamli monitoring tizimlarining samaradorligi o‘zaro solishtirildi. Natijalar pestitsid qoldiqlarini kamaytirishda integratsiyalashgan yondashuv eng maqbul va samarali ekanini ko‘rsatdi. Tadqiqot xulosalari oziq-ovqat xavfsizligini ta’minlash va aholi salomatligini muhofaza qilishda amaliy ahamiyatga ega.