ЯПОН МУШМУЛАСИНИНГ ЎЗБЕКИСТОН ШАРОИТИДАГИ ИСТИҚБОЛЛАРИ

Мазкур мақолада япон мушмуласи (Eriobotrya japonica Lindl.)нинг Ўзбекистон шароитидаги истиқболлари мевали экин, доимий яшил декоратив ўсимлик ҳамда иссиқхона ва хона шароитида тувакда ўстиришга мос тур сифатида комплекс таҳлил қилинган. Халқаро ва маҳаллий илмий манбалар асосида мазкур экиннинг интродукцияси, агробиологик хусусиятлари ва селекцион аҳамияти ёритилган. ЎГРИТИда шакллантирилган япон мушмуласининг генетик коллекцияси ҳамда муаллифлар иштирокида яратилган, патент билан ҳимояланган ва Давлат нав синаш комиссиясига тақдим этилган Ўзбекистондаги биринчи маҳаллий нав — «Ягона» ҳақидаги маълумотлар келтирилган. Навнинг мева тузилиши, фенологик фазалари ва декоратив хусусиятлари унинг амалий қийматини оширади. Уруғ унувчанлиги бўйича натижалар ёрдамчи далил сифатида қисқача баён этилган. Олинган хулосалар япон мушмуласининг Ўзбекистонда мевачилик, декоратив боғдорчилик ва шаҳар яшиллаштириш тизимида кенг қўллаш учун юқори истиқболга эга эканини кўрсатади.