ERTA NIKOHNING YOSH AYOLLARDA REPRODUKTIV VA JINSIY SALOMATLIKKA TA'SIRI

Mazkur ishda erta nikohning yosh ayollarning jinsiy va reproduktiv salomatligiga ta’siri ilmiy asosda tahlil qilindi. Tadqiqot natijalari shuni ko‘rsatdiki, yosh qizlarda nikoh va homiladorlikning erta boshlanishi reproduktiv tizimning to‘liq rivojlanmaganligi sababli murakkabliklarga olib keladi. Shu jumladan, gormonal buzilishlar, reproduktiv kasalliklar, preeklampsiya, anemiya va tug‘ruqdan keyingi asoratlar uchraydi. Bunda psixologik stress, depressiya va ijtimoiy izolyatsiya holatlari ham yosh ayollarda ko‘p kuzatiladi. Tadqiqot shuni ham ko‘rsatdiki, erta nikoh jinsiy yo‘l bilan yuqadigan infektsiyalar xavfini oshiradi. Ishda xalqaro va mahalliy manbalar tahlil qilinib, yosh ayollarni sog‘lom reproduktiv hayotga yo‘naltirish, erta nikohni oldini olish bo‘yicha tavsiyalar berilgan.