INTERNETGA QARAM OʻSMIRLAR EMOTSIONAL INTELLEKTINING PSIXOLOGIK XUSUSIYATLARI

So‘nggi yillarda internet texnologiyalari hayotimizning ajralmas qismiga aylandi. Ayniqsa, o‘smirlar orasida ijtimoiy tarmoqlar, onlayn o‘yinlar va turli platformalardan foydalanish kundalik odatga aylangan. Shu bilan birga, bu jarayon internetga qaramlik muammosini keltirib chiqarmoqda. Internetga haddan tashqari berilish o‘smirlarning emotsional holati, xulq-atvori va ijtimoiy munosabatlariga salbiy ta’sir ko‘rsatmoqda. Ushbu maqolamizda biz oʻsmirlarda Internetga qaramlikning emotsional intellekt bilan aloqasini koʻrib chiqdik, olingan ma’lumotlarni qayd etdik.