RIVOJLANGAN RAQAMLI TEXNOLOGIYALAR DAVRIDA SHAXSIY MA'LUMOTLARNING AHAMIYATI VA XAVFSIZLIGI

Raqamli texnologiyalarning jadal rivojlanishi jamiyat hayotining barcha sohalarida axborot almashinuvi hajmining keskin oshishiga olib keldi. Ushbu jarayonda shaxsiy ma’lumotlar muhim iqtisodiy, ijtimoiy va huquqiy resurs sifatida namoyon bo‘lmoqda. Maqolada shaxsiy ma’lumotlar tushunchasi, ularning raqamli muhitdagi ahamiyati, zamonaviy texnologiyalar sharoitida yuzaga kelayotgan xavfsizlik tahdidlari hamda xalqaro va milliy huquqiy tartibga solish mexanizmlari ilmiy manbalar asosida tahlil qilinadi. Tadqiqot natijalari shaxsiy ma’lumotlarni himoyalash masalasi raqamli jamiyat barqarorligi uchun muhim omil ekanini ko‘rsatadi.