ALGEBRA DARSLARIDA ELEKTRON TA'LIM RESURSLARI ORQALI O'QUVCHILAR MUSTAQIL ISHLASH KO'NIKMALARINI RIVOJLANTIRISH

Mazkur tezisda akademik litseylar va umumta’lim muassasalarida algebra fanini o‘qitish jarayonida elektron ta’lim resurslaridan samarali foydalanish masalalari yoritilib, ayniqsa o‘quvchilarning mustaqil ishlash ko‘nikmalarini shakllantirish va rivojlantirishdagi pedagogik imkoniyatlari ilmiy-metodik jihatdan tahlil qilinadi. Tadqiqot davomida elektron darsliklar, interaktiv platformalar, masalalar banki, onlayn test tizimlari va raqamli mashqlar yordamida o‘quvchilarda o‘z-o‘zini nazorat qilish, mustaqil qaror qabul qilish, matematik tafakkurni rivojlantirish hamda mas’uliyat hissini kuchaytirish imkoniyatlari ochib beriladi. Maqolada elektron ta’lim resurslarining an’anaviy algebra darslari bilan uyg‘unlashuvi natijasida ta’lim sifati va samaradorligi oshishi asoslab beriladi.