RAQAMLI IQTISODIYOT SHAROITIDA TELEKOMMUNIKATSIYA XIZMATLARI BOZORIDA NARXLAR VA ISTE'MOLCHI XULQ-ATVORI O'RTASIDAGI O'ZARO BOG'LIQLIK

So‘nggi yillarda raqamli iqtisodiyot global iqtisodiy rivojlanishning asosiy drayverlaridan biriga aylandi. Raqamli texnologiyalarning keng joriy etilishi ishlab chiqarish, xizmat ko‘rsatish va iste’mol jarayonlarining mazmunini tubdan o‘zgartirdi. Ayniqsa, telekommunikatsiya xizmatlari bozori raqamli transformatsiyaning eng faol va tezkor namoyon bo‘layotgan sohalaridan biri sifatida ajralib turadi. Ushbu sohada narx shakllanishi va iste’molchi xulq-atvori o‘rtasidagi munosabatlar an’anaviy iqtisodiy yondashuvlardan farqli, murakkab va ko‘p omilli jarayonga aylangan.