ЮВЕНАЛ ҲУҚУҚБУЗАРЛИКЛАРНИНГ ОЛДИНИ ОЛИШ: УМУМИЙ ВА ЯККА ПРОФИЛАКТИКАНИНГ ХОРИЖИЙ МОДЕЛЛАРИ

Ушбу ишда вояга етмаганлар ҳуқуқбузарликларининг олдини олиш соҳасида ривожланган давлатларда қўлланилаётган умумий ва якка профилактика моделлари қиёсий-ҳуқуқий таҳлил қилинади. Профилактика фақат ҳуқуқни муҳофаза қилиш фаолияти эмас, балки бола ҳуқуқларини таъминлашга қаратилган давлатнинг ижтимоий мажбурияти сифатида ёритилади. Халқаро стандартлар асосида боланинг манфаати устуворлиги, эрта аниқлаш ва эрта ёрдам, стигматизацияга йўл қўймаслик ҳамда озодликдан маҳрум этишнинг охирги чора экани тамойиллари таҳлил этилади. Скандинавия мамлакатлари, Исландия, Германия, Франция, Буюк Британия, АҚШ ва Канада тажрибаси мисолида идоралараро ҳамкорлик, кейс-менежмент, диверсия ва тикловчи адолат механизмларининг ҳуқуқий асослари очиб берилади ҳамда миллий қонунчиликни такомиллаштириш бўйича илмий-амалий таклифлар илгари сурилади.