KOMBINATSIYALANGAN TEXNOLOGIYALAR АСОСИДА MADANIY QO'ZIQORINLARNI QURITISH JARAYONINI OPTIMALLASHTIRISH

Ушбу мақолада маданий қўзиқоринлар — вешенка (Pleurotus ostreatus) ва шампиньон (Agaricus bisporus) — ни қуритиш жараёнини комбинациялашган усуллар асосида такомиллаштириш масалалари тадқиқ этилди. Тадқиқот жараёнида конвектив, инфрақизил ҳамда комбинациялашган (инфрақизил + конвектив) қуритиш усулларининг қуритиш кинетикаси, тайёр маҳсулот сифати ва энергия самарадорлигига таъсири қиёсий таҳлил қилинди. Тажриба натижалари комбинациялашган қуритиш усули қўлланилганда қуритиш давомийлиги 30–35 % га қисқариши, қолдиқ намликнинг меъёрий чегарада сақланиши ҳамда маҳсулотнинг ранг, тузилиш ва органолептик хусусиятлари яхшироқ сақланишини кўрсатди. Шунингдек, мазкур усулда энергия сарфи анъанавий конвектив қуритиш усулига нисбатан камайиши аниқланди. Қайта намланиш коэффициенти, қуритиш самарадорлиги индекси (QSI) ва интеграл технологик самарадорлик кўрсаткичлари комбинациялашган усулнинг технологик ва иқтисодий жиҳатдан устун эканини тасдиқлади. Олинган натижалар маданий қўзиқоринларни саноат миқёсида қайта ишлашда комбинациялашган қуритиш технологияларини жорий этиш мақсадга мувофиқ эканини кўрсатади.