ARTROZ VA ARTRIT: KELIB CHIQISHI, FARQLARI VA DAVOLASH YO'LLARI.

Mazkur maqolada bo‘g‘im kasalliklarining keng tarqalgan turlari hisoblangan artroz va artritning kelib chiqish sabablari, rivojlanish mexanizmlari hamda klinik belgilari yoritib berilgan. Artrozning degenerativ-distrofik jarayon sifatida bo‘g‘im tog‘ay to‘qimasining yemirilishi bilan kechishi, artritning esa asosan yallig‘lanish jarayonlari bilan bog‘liqligi ilmiy asosda tahlil qilingan. Ushbu ikki kasallik o‘rtasidagi asosiy farqlar simptomatika, kechish xususiyatlari va tashxis qo‘yish mezonlari orqali taqqoslab ko‘rsatib berilgan. Shuningdek, maqolada zamonaviy davolash usullari, jumladan, dori vositalari, fizioterapiya, reabilitatsiya choralari va profilaktika tadbirlarining ahamiyati yoritilgan. Tadqiqot natijalari artroz va artritni erta aniqlash hamda samarali davolash orqali bemorlarning hayot sifatini yaxshilash mumkinligini ko‘rsatadi.