ҲУҚУҚБУЗАРЛИКЛАР ПРОФИЛАКТИКАСИ ФАОЛИЯТИДА ҲИСОБДОРЛИК ТУШУНЧАСИ

мақолада ҳисобдорлик тушунчасининг ҳуқуқбузарликлар профилактикаси фаолиятидаги аҳамияти таҳлил қилинган. Ҳисобдорлик – бу масъул шахсларнинг ўз хизмат вазифаларини бажариши, қилинган ишлар натижаси ҳақида ахборот бериши ҳамда жавобгарликни ўз зиммасига олиши билан боғлиқ ижтимоий-ҳуқуқий категория сифатида ёритилган. Тадқиқотда ҳисобдорликнинг асосий вазифалари – назоратни таъминлаш, шаффофлик ва очиқликни мустаҳкамлаш, жавобгарликни кучайтириш, фаолият самарадорлигини ошириш масалалари кўриб чиқилган. Шу билан бирга, профилактика соҳасида ҳисобдорликнинг ҳуқуқбузарликларнинг сабаб ва шарт-шароитларини таҳлил қилиш, профилактик чора-тадбирларнинг самарадорлигини баҳолаш ҳамда давлат органлари ва жамоатчилик ўртасида ишончли ҳамкорликни ривожлантиришдаги ўрни ёритилган.