ससकत, वरस आण भरतय जञन परपर : एक अभयस

प्रस्तुत संशोधन पेपरमध्ये भारतीय संस्कृती, वारसा आणि भारतीय ज्ञान परंपरा यांचा सखोल व विश्लेषणात्मक अभ्यास करण्यात आला आहे. भारतीय संस्कृती ही जगातील प्राचीनतम संस्कृतींपैकी एक असून तिच्या सातत्यामुळे भारतीय समाजाची मूल्यव्यवस्था, जीवनदृष्टी आणि चिंतनपरंपरा समृद्ध झालेली आहे. या संशोधनामध्ये संस्कृतीची संकल्पना, तिची वैशिष्ट्ये, भारतीय वारशाचे मूर्त व अमूर्त स्वरूप तसेच वैदिक, उपनिषदकालीन आणि दर्शनपरंपरेतील ज्ञानाचा विकास यांचा अभ्यास करण्यात आला आहे. भारतीय ज्ञान परंपरेने तत्त्वज्ञान, विज्ञान, गणित, आयुर्वेद, योग आणि शिक्षण या क्षेत्रांत दिलेले योगदान स्पष्ट करण्यात आले असून आधुनिक काळातील पर्यावरणीय संकटे, मानसिक ताणतणाव आणि मूल्यसंकट यांसारख्या समस्यांवर भारतीय ज्ञान परंपरा कशी उपयुक्त ठरू शकते, याचे विवेचन करण्यात आले आहे. प्रस्तुत संशोधन हे गुणात्मक, ग्रंथाधारित व विश्लेषणात्मक स्वरूपाचे असून भारतीय ज्ञान परंपरेचा आधुनिक शिक्षणव्यवस्थेशी असलेला संबंध अधोरेखित करणे हा याचा प्रमुख उद्देश आहे.