O'SMIRLIK DAVRIDAGI PSIXOLOGIK O'ZGARISHLAR

Ushbu maqolada o‘smirlik davrida yuz beradigan psixologik o‘zgarishlar, ularning asosiy xususiyatlari va shaxs kamolotidagi o‘rni tahlil qilinadi. O‘smirlik davri inson hayotidagi eng murakkab va mas’uliyatli bosqichlardan biri bo‘lib, bu davrda biologik yetilish bilan bir qatorda psixik jarayonlar, emotsional holat, o‘z-o‘zini anglash va ijtimoiy munosabatlar tizimida jiddiy o‘zgarishlar sodir bo‘ladi. Maqolada o‘smir shaxsining shakllanishi, emotsional beqarorlik, mustaqillikka intilish, tengdoshlar ta’siri hamda shaxsiy identifikatsiya jarayonlari ilmiy nuqtai nazardan yoritilgan. Shuningdek, o‘smirlik davridagi psixologik inqirozlar va ularni yengib o‘tishda pedagog va ota-onalarning roli ham tahlil etilgan.