YASHIRIN IQTISODIYOT KO'LAMINI QISQARTIRISHDA SOLIQ QONUNCHILIGINING INSTITUTSIONAL AHAMIYATI

Mazkur ilmiy tezisda yashirin iqtisodiyot ko‘lamini qisqartirishda soliq qonunchiligining institutsional ahamiyati nazariy va amaliy jihatdan tahlil qilinadi. Tadqiqotda soliq qonunchiligi iqtisodiy institut sifatida baholanib, uning barqarorligi, shaffofligi va ijro mexanizmlarining norasmiy iqtisodiy faoliyatni legallashtirishga ta’siri ochib beriladi. Shuningdek, soliq ma’murchiligi samaradorligi, huquqiy rag‘batlantirish va majburiy mexanizmlarning o‘zaro uyg‘unligi yashirin iqtisodiyot ulushini kamaytirishning muhim sharti sifatida asoslanadi. Tezisda soliq institutlariga bo‘lgan ishonchni mustahkamlash orqali soliq intizomini oshirish va iqtisodiy subyektlarni rasmiy sektorga jalb etish imkoniyatlari ilmiy jihatdan yoritib beriladi. Tadqiqot natijalari soliq siyosatini institutsional jihatdan takomillashtirish hamda yashirin iqtisodiyotga qarshi kurash strategiyalarini ishlab chiqishda amaliy ahamiyatga ega.