МАТЕМАТИКА ЕСЕПТЕРІН ШЕШУДЕ ОҚУШЫЛАРДЫҢ ӨЗІНДІК ЖҰМЫС ДАҒДЫЛАРЫН ҚАЛЫПТАСТЫРУДЫҢ ӘДІСТЕМЕЛІК НЕГІЗДЕРІ

Бұл мақала 5–6-сынып оқушыларының математика есептерін шешуде өзіндік жұмыс дағдыларын қалыптастырудың әдістемелік негіздерін қарастырады. Зерттеу Respect School базасында жүргізіліп, оқу үдерісінде өзіндік жұмыс тапсырмаларын жүйелі қолдану арқылы оқушылардың танымдық белсенділігін арттыру жолдары талданды. Мақалада қазақ және шетел зерттеушілерінің еңбектеріне сүйене отырып, өзіндік жұмыс ұғымының мәні мен маңызы ашылды, деңгейлік тапсырмалар, саралап оқыту, цифрлық платформаларды пайдалану тәсілдері көрсетілді. Эксперимент нәтижелері оқушылардың есеп шығару дағдыларының, логикалық және шығармашылық ойлауының даму динамикасын көрсетті. Қорытындыда әдістеменің тиімділігі дәлелденіп, математика сабағында оқушылардың дербес білім алуын жетілдіру бойынша ұсыныстар берілді.