IQTISODIY TA'LIMDA O'ZBEK XALQ PEDAGOGIKASIDAN FOYDALANISHNING NAZARIY ASOSLARI

Mazkur maqolada iqtisodiy ta’lim jarayonida o‘zbek xalq pedagogikasidan foydalanishning nazariy asoslari tahlil qilinadi. Tadqiqotda iqtisodiy savodxonlik bilim, xulq-atvor va qadriyatlar birligi sifatida qaralib, uni shakllantirishda milliy pedagogik merosning o‘rni ilmiy jihatdan asoslab beriladi. Xalqaro iqtisodiy ta’lim yondashuvlari hamda o‘zbek xalq pedagogikasiga xos hayotiy va tarbiyaviy tamoyillar qiyosiy tahlil qilinadi. Tadqiqot natijalari iqtisodiy ta’limni real hayotiy tajriba va milliy qadriyatlar bilan uyg‘unlashtirish ta’lim samaradorligini oshirishini ko‘rsatadi. Maqolada iqtisodiy ta’lim mazmunini takomillashtirish va iqtisodiy xulq-atvorni shakllantirishga doir ilmiy xulosalar va amaliy tavsiyalar berilgan.