BLOKCHEYN TEXNOLOGIYASI ASOSIDA TALABALARNING O'QUV PORTFOLINI (E-PORTFOLIO) YURITISH TIZIMIGA INNOVATSION YONDASHUV

O‘zbekiston oliy ta’lim muassasalarida raqamli ta’lim muhitini shakllantirish jarayonida talabaning o‘quv faoliyati natijalarini to‘liq, ishonchli va uzluksiz aks ettiruvchi vositalarga ehtiyoj ortib bormoqda. An’anaviy baholash va hujjatlashtirish mexanizmlari ko‘pincha fragmentarlik, ma’lumotlarning takrorlanishi, verifikatsiya murakkabligi hamda akademik halollik bilan bog‘liq xavflar bilan kechadi. e-Portfolio tizimlari talabaning bilim, ko‘nikma va kompetensiyalarini dinamik tarzda aks ettirish imkonini bersa-da, ularni markazlashgan platformalarda yuritish ma’lumotlar xavfsizligi, o‘zgartirishga ochiqlik va ishonchlilik muammolarini keltirib chiqaradi. Shu nuqtai nazardan, blokcheyn texnologiyasining ta’lim sohasiga integratsiyasi e-Portfolio ma’lumotlarining yaxlitligi va shaffofligini ta’minlashda muhim innovatsion yechim sifatida namoyon bo‘lmoqda.