TILSHUNOSLIK VA VIRTUAL TA'LIM O'ZARO ALOQASI

Mazkur maqolada elektron va virtual ta’lim sharoitida nutq madaniyati, til me’yorlariga rioya qilish va raqamli etiketning o‘rni tahlil qilinadi. Raqamli muhitda muloqot jarayoni to‘liq til vositasida amalga oshirilgani sababli, virtual platformalardagi yozma va og‘zaki nutqning me’yoriyligi, aniq va madaniyatli ifodalanganligi ta’lim samaradorligiga bevosita ta’sir ko‘rsatadi. Raqamli etiket tamoyillari — hurmatl ohangida muloqot qilish, til me’yorlariga amal qilish, manba ko‘rsatish, ortiqcha grafik vositalardan cheklanib foydalanish — virtual ta’limning kommunikativ madaniyatini belgilaydi. Tadqiqot natijalari shuni ko‘rsatadiki, elektron ta’lim jarayonida nutq madaniyati va etik xulq-atvor to‘g‘ri shakllanganda, o‘qituvchi va talaba o‘rtasida sog‘lom, samarali va madaniyatli kommunikativ muhit yuzaga keladi.